Tuisprogram vir Graad RR (volledig) – ook kwartaalliks beskikbaar.

Description

Ons is super duper opgewonde om ons splinternuwe LEER SPEEL SPEEL program bekend te stel.

Hierdie graad RR program is saamgestel deur deskundiges met meer as 50 jaar ervaring in vroeë kinderontwikkeling.

Vir wie is die program?

• Die graad RR program fokus op ons mammas by die huis.
• Dit is ook geskik vir klein groepies of vir ‘n ma met meer as 1 kind.
• Alles word uitgedruk, gebind en via koerier versend.
• Onthou dat hierdie program so saamgestel is dat daar steeds hier en daar groepwerk is.
• Meeste ouers het meer as 1 kind of groepies werk saam in ‘n klein gemeenskap.

Die program is in lyn met die skole se graad RR programme – maar voldoen nie net aan die minimum standaarde (soos meeste skole nie). Hierdie is ‘n verrykte program. Dit beteken dat ons na meer streef as net die minimum uitkomste en vaardighede.

Tot wat moet ek toegang hê?

• ‘n Adres waar ons jou pakkie kan laat aflewer.
• Skryfbehoeftes
• Vermoë om aanvullende apparaat te kan aankoop

Wat kry jy alles?

• Volledige program wat daaglikse wiskunde, taal en lewensvaardighede lesse insluit. Dit sluit in groot spiere, klein spiere, visuele ontwikkeling, ouditiewe ontwikkeling, sensoriese spel, taalontwikkeling, emosionele welstand, informele wiskunde en nog vele meer.
• Kort lysie om aan te dui op watter vaardighede ons elke week gefokus het (deurlopende assesserings)
• Aanwysings is maklik om te gebruik.
• Apparaat benodig is maklik bekombaar.
• Die program is opgedeel in 4 dele (of kwartale). Elke kwartaal bestaan uit min of meer 10 weke.
• Die kwartale moet in volgorde gedoen word.
• Daar kan langer aan ‘n kwartaal gewerk word as net 10 weke. Om tuisleerders tegemoet te kom en omdat almal nie ewe vinnig vorder nie, stuur ons dan Kwartaal 2/3/4 se materiaal sodra julle daarvoor betaal.
• Assesserings is deurlopend. Eerlikheid berus by die ouer.
• Kry ‘n rapport wat die deurlopende assesserings reflekteer aan die einde van kwartaal 1, 2 en 4.
• Ingesluit is ‘n boks met apparaat wat in die assesserings gebruik word.
• Ingesluit is die muurkaarte (uitgedruk en gelamineer) wat die Departement vereis teen die muur moet wees.
• Ingesluit is die werksboeke wat as portefeulje dien.
• Ingesluit is ‘n stel gedrukte en gelamineerde speletjies.

Metodiek :

Ons program berus om leer deur speel.

Daar is dus geen inkleurwerk en onnodige boekwerk in die program nie.

Daar is wel baie pret en ons wys jou die waarde wat die aktiwiteite het!

Vir wie is hierdie program bedoel?

• Enige tuisonderrig leerder
• Die LSEN kind wat ekstra aandag nodig het
• Die kind wat voor is en graag die voorsprong wil behou

Kwartaalikse aankope :

Indien die program kwartaaliks gekoop word vergesel die volgende ekstras die program elke kwartaal :

Kwartaal 1 : Graad RR in ‘n boks

Kwartaal 2 : Tema pakket (gelamineerde temawoorde en prente vir die hele jaar)

Kwartaal 3 : Speletjie bokse

Kwartaal 4 : Muurkaart pakket (gelamineerde pakket vir die mure en om in lesse te gebruik)

Al die bogenoemde is onmiddelik ingesluit indien jaarliks vooruit aangekoop word.